Qaraǵandylyq oqýshylar Artificial Intelligence Journey jasandy intellekt jáne derekterdi taldaý boiynsha Halyqaralyq konferentsiianyń jeńimpazy atandy, dep habarlaidy QazAqparat.
Qaraǵandy qalasyndaǵy №2 litseiiniń 11 synyp oqýshylary Daniil Kikimov pen Vadim Majitov bilim berý salasynda tehnologiialyq sheshimderdi usyndy jáne oqýshylardyń qyzyǵýshylyqtaryna bailanysty kontentti derbestendirýge múmkindik beretin ázirlemeni tanystyrdy. Joba úzdik dep tanylyp, qazaqstandyq oqýshylar «Bilim berýdegi jasandy intellekt» nominatsiiasynda absoliýtti jeńimpaz atandy. Aita keteiik, ziiatkerlik jarysqa 100-den astam memleketten 25 myńnan astam oqýshy qatysty.
Halyqaralyq konferentsiia Máskeýde ótip, oǵan Resei Federatsiiasynyń Prezidenti qatysty. Vladimir Pýtin qaraǵandylyq oqýshylarǵa qyzyqty joba úshin alǵys aityp, motivatsiia – bilim berý úderisindegi tabystyń mindetti sharty ekenin atap ótti.
«Eger adamnyń oqityn pánge degen qyzyǵýshylyǵy bolsa, onda nátijege qol jetkizetinine senimdi bola alasyz. Sizderdiń ázirlemelerińiz oqýshylardyń boiynda motivatsiiany, qyzyǵýshylyqty arttyrýǵa baǵyttalǵan. Bul keremet bastama!», — dei kele, Vladimir Pýtin qazaqstandyq oqýshylarǵa jyly lebizin bildirdi.
Óz kezeginde baiqaý jeńimpazdary jasandy intellektti sabaqta qoldaný oqýshylardyń mektep pánderine degen yntasy men qyzyǵýshylyǵyn arttyratynyn atap ótti. Vadim men Daniil olardyń mazmundy jekelendirý algoritmi bilim berý tiimdiligin kem degende 10-15% arttyrady dep sanaidy.
«Biz mektep tapsyrmalarynyń mátinderin maǵynasyn burmalamai jáne oqýshynyń qalaýyna bailanysty ózgerte alatyn algoritm jasadyq. Matematika mektebinde negizinen tapsyrmalar beriledi, mysaly, velosipedshi men avtomobilshi týraly. Biz osyndai kóptegen esep sheshtik jáne olardyń eshqaisy este saqtalǵan joq. Sondyqtan biz tapsyrmalardyń mazmunyn ártaraptandyramyz dep sheshtik jáne oqýshylarǵa mazmundy qyzyǵýshylyqtary boiynsha tańdaýǵa múmkindik beretin algoritm jasadyq. Mysaly, velosipedshiniń ornyna janýarlar nemese ǵaryshtyq qurylǵylar týraly tapsyrmalar bolýy múmkin. Ár kilt sóz úshin birneshe sóz tańdalady, olar tapsyrmanyń jańa nusqasynda aýystyrylady. Model mátindi taldaidy jáne sózderdiń formalaryn eki ret tekseredi: etistikter etistikterge, zat esimderge sáikesinshe aýystyrylady. Bul rette biz kodtyń sapasyna jáne esepti sheshý tehnikasyna erekshe nazar aýdardyq», — dedi Artificial Intelligence Journey jeńimpazdary Vadim Majitov pen Daniil Kikimov.
