Qaraǵandylyq áiel bosanǵannan keiin 21 kúnnen soń perzenthanada qaitys boldy, - dep habarlaidy Tengrinews.kz agenttigi "Novyi Vestnik" portalyna silteme jasap.
Basylym málimetinshe, Qaraǵandy turǵyny Anara Maǵzumova №1 perinataldyq ortalyqta ápkesi qaitys bolǵanyn aitqan.
"Meniń ápkem Levenko Dinara Bekbolatqyzy 29 sáýirde Qaraǵandy qalasyndaǵy №1 oblystyq perinataldy ortalyqta "kesar tiligi" arqyly dúniege sábi ákeldi. Ol aýyr jaǵdaida jáne qatty aýrýymen úige qaitaryldy. Onyń temperatýrasy joǵary boldy. Bir kúnnen keiin onyń gemoglobin deńgeii 50-ge deiin tómendedi", - deidi ol.
Onyń aitýynsha, dárigerler shuǵyl túrde ápkesiniń jatyryn alyp tastaǵan. Kún saiyn jaǵdaiy nasharlap, bosanǵannan keiingi 21-kúni qaitys bolǵan.
"Ápkem kóńildi edi, osy balany kútip júrdi, densaýlyǵyna kóńil bóldi. Dárigerlerdiń kinásinen eki balasy anasyz qaldy. 6 jastaǵy úlken uly kúnde túnde turyp: "Anama habarlasyńyzdarshy" dep suraidy", - deidi Anara Maǵzumova.
Boijetken ápkesi ulynyń týǵan kúninde qaitys bolǵanyn aitady. Olar balaǵa anasy qaitys bolǵanyn áli aita almaǵan.
"Ol aýrýhanada jatqan 21 kún ishinde biz dárigerlerden onyń ómirin saqtap qalý úshin shara qoldanýdy suradyq. Bosanatyn áielde sepsis bolǵanyna eshkim jaýap bermedi - SEQ ta, Meditsinalyq qyzmet sapasyn baqylaý komitetiniń departamenti de. Bul meditsinalyq zańsyzdyq qashan aiaqtalady? Eger bosaný aqysyn tólemeseńiz, qan ketip, qatty aýyryp jatsańyz da, aýrýhanadan shyǵaryp jiberedi!" - dep qosty Qaraǵandy turǵyny.
Meditsinalyq jáne farmatsevtikalyq qyzmet kórsetý sapasyn baqylaý komitetiniń Qaraǵandydaǵy departamenti №1 perinataldyq ortalyqta tekserý bastalǵanyn habarlady. Bosanǵan áieldiń meditsinalyq qujattary tekserilip jatyr.
Basylym málimetinshe, "Meditsina qyzmetkerleriniń kásiptik mindetterin tiisinshe oryndamaýy" baby boiynsha qylmystyq is qozǵalǵan.
