«Qaraǵandy farmatsevtikalyq kesheni» JShS-niń bas direktory Sergei Baron «Spýtnik V» preparatyn eksportqa shyǵarý múmkindikteri týraly pikir bildirdi, dep habarlaidy QazAqparat.
«Kelisimshart boiynsha biz Densaýlyq saqtaý ministrliginiń aldyndaǵy mindettemelerdi oryndap bolǵansha eshkimge vaktsina jónelte almaimyz. Tek DSM-niń biryńǵai distribiýterine ǵana beremiz. Eger, kelisimshartta kórsetilgen 5 mln doza jetkilikti bolsa, ári qarai eksportqa shyǵýǵa bolady. Bizge habarlasýshylar kóp. Ásirese kórshi elderden tikelei shyǵyp jatqandar bar. Biz sózben aitqanda, Qazaqstandyq tolyq qamtamasyz etkennen keiin eksportqa shyǵamyz», - dedi Sergei Baron onlain baspasóz máslihatynda.
