Qaraǵandy politseileri dúkende 18 jastaǵy kassir qyzdy bir soqqymen edenge qulatqan 48 jastaǵy áielge qatysty qylmystyq is qozǵady, - dep habarlaidy "Ult aqparat" Polisia.kz Telegram-arnasyna silteme jasap.
"Anýar" saýda úiinde satyp alýshy men kassirdiń arasynda bolǵan janjal boiynsha QR QK-niń 293-babyna (Buzaqylyq) sáikes qylmystyq is tirkeldi. Jábirlenýshige qatysty sot-meditsinalyq saraptama taǵaiyndaldy, tergeý amaldary barysynda eki jaqtyń da dáiekteri tekseriletin bolady", - delingen habarlamada.
Bul bap boiynsha áielge 2000 AEK-ke deiin, iaǵni 6 million teńgeden asa aiyppul salynady nemese ol 600 saǵatqa deiin túzeý jumystaryna tartylady, ia bas bostandyǵynan aiyrylady.
