Áleýmettik jelide Pavlodar oblysynyń týmasy ózin Qaraǵandyda eńbek quldyǵynda ustaǵany jóninde málimdegen video tarady, - dep habarlaidy "Ult aqparat" Tengrinews.kz agenttigine silteme jasap.
Pavlodar oblysynyń turǵyny beineótinish jazyp, onda ol Qaraǵandynyń mańynda eńbek quldyǵynda ustalǵany týraly habarlaidy. Er adam onyń jumys berýshisi atqarǵan jumysy úshin qaryzyn tólemegenine, sondai-aq ony birneshe ai boiy uryp-soǵyp otyrǵanyna shaǵymdanady.
"Tamyz aiynda men Maratqa jumysqa ornalastym. Jelezin aýdanyna baryp, onda bir nysandy óńdedik. Men odan jalaqy suradym, biraq ol aqsha tólemei, meni urdy. Sodan keiin Qaraǵandyǵa ekinshi nysanǵa bardyq. Ol jerde de birge jumys istedik. Men odan taǵy jalaqymdy suraǵan edim, ol meni taǵy taiaqqa jyqty. 21 qyrkúiekte men túski ýaqytta qashyp kettim. Marat meniń uialy telefonymdy tartyp aldy. Sondai-aq, meniń qujattarym, jeke zattarym sol jerde qaldy. Brigadanyń alty adamynan qazir eki adam qaldy. Bireýi - Qyrǵyzstan azamaty. Biz jumys istep, istegen jumysymyzdyń aqshasyn surasaq, olar bizdi uryp-soǵady. Meniń jalaqymdy tolyǵymen tóleýge kómektesýdi jáne ony uryp-soǵý deregi boiynsha jaýapqa tartýdy suraimyn", - deidi er adam.
