Qaraǵandy qalasynyń 15-yqshamaýdanynda úidiń dálizinen kórpege oralǵan eki ailyq qyz bala tabyldy. Kókek ana izdestirilip jatyr, dep habarlaidy "Ult aqparat" Polisia.kz resýrsyna silteme jasap.
3 naýryz kúni saǵat 00.15 shamasynda Oktiabr politsiia bóliminiń kezekshi bólimine 15-yqshamaýdanda úilerdiń biriniń dálizine belgisiz bireýdiń kórpege oralǵan eki ailyq qyz balany tastap ketkeni týraly habarlama tústi.
Oqiǵa ornyna jedel járdem qyzmetkerleri shaqyryldy.
Bala aýrýhanaǵa jetkizildi.
Atalǵan fakti boiynsha Qylmystyq kodekstiń 119-babynyń 1-tarmaǵyna sáikes sotqa deiingi tergeý bastaldy.
Politsiia qyzmetkerleri balanyń anasyn anyqtaý úshin jumys júrgizýde.
