Birinshi maýsymda Qaraǵandyda jańartylǵan balalar temir joly iske qosyldy. Tańerteńgi saǵat 11-de 9 ¾ platformasynan qaraǵandylyq «Hogvarts-ekspress» alǵashqy reisi attandy, dep habarlaidy QazAqparat agenttigi.
Balalar men eresekter kelesi baǵytty kútýge jinaldy. Potteriananyń jankúierleri úki arbasynyń janynda sýretke tústi.
Balalar temir jolyn qaita qalypqa keltirip, kelbetin ózgertýge jarty jyldai ýaqyt jumsaldy.
«Jumys qarasha aiynda bastaldy. Birinshiden, olar lokomotivten kóptegen jyldar boiy birneshe qabat bolyp ketken eski boiaýdy qyra bastady. Zaýyttan shyqqan metalyna deiin tolyǵymen tazalandy. Árine, qiyndyqtar az bolǵan joq. Máselen jańa qozǵaltqyshty tabý qiyndyqqa soqty. Bul rette bir tańǵajaiyp boldy dep aitýǵa bolady. Petropavlda T-72 tankinen jańa qozǵaltqysh tabyldy. Ol bizdiń poiyzǵa jaraidy. Qaraǵandylyqtardyń balalar temir jolyna jáne kóptegen urpaqqa tanymal potterianǵa degen súiispenshiligin biriktirý ideiasy oiǵa keldi. Bul eski murany jańa túrde saqtaýdy bildiredi», - dedi Qaraǵandy qalasynyń Mádeniet jáne demalys saiabaqtary basqarmasy basshysynyń orynbasary Roman Kalachev.
Balalar temir jolyn jańartý jobasynda mashinist bastyǵy Viktor Lýtsenkonyń basshylyǵymen BTJ qyzmetkerleri eńbek etii. Saiabaqtar basqarmasynyń sýretshisi Marina Zvorygina bezendirýge óziniń qiialyn qosqan.
Temirjolda shamamen 100 shpal jańartyldy. Stantsiianyń qasbeti de ózgerdi. Perron asfalttalǵan.
Tosynsyilar áli aiaqtalǵan joq. Jaqynda Hagridtiń lashyǵy salynyp aiaqtalady. Taǵy birneshe jańa foto aimaq paida bolady. «Hogvarts-ekspress» zoobaq stantsiiasynda toqtaidy.
Birneshe jyldardan keiin balalardy temirjol mamandyǵyna oqytý qaita bastaldy.
