Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Aimaq

Qaraǵandyda avtobýs tóbesinde bilegen tiktoker júrgizýshi jol apatyna ushyrady

Ult portaly
Qaraǵandyda avtobýs tóbesinde bilegen tiktoker júrgizýshi jol apatyna ushyrady

Sýret: Instagram / arinov.aidos

Qaraǵandyda eki avtobýs soqtyǵysty, kólik júrgizýshilerdiń biri - Aidos Arinov. Jol apatynan bir adam zardap shekti, - dep habarlaidy Tengrinews.kz tilshisi óńirlik PD baspasóz qyzmetine silteme jasap.

Jol apaty Gapeev kóshesinde boldy. Oqiǵa ornynan túsirilgen kadrlar áleýmettik jelilerde paida boldy.

Avtobýstar soqtyǵysqan kezde tiktoker Aidos Arinov Yutong markaly №43 avtobýsty júrgizip kele jatqan. Shaolin markaly ekinshi avtobýs júrgizýshisi jol apatyna sebepker bolǵany habarlandy.

"Jol apaty 26 jeltoqsanda saǵat 16.40-ta Gapeev kóshesinde boldy. Aldyn ala málimetter boiynsha, Shaolin júrgizýshisi burylyp, jol bermei Yutong markaly avtobýspen soqtyǵysqan. Nátijesinde, kólikterge mehanikalyq zaqym keldi. Meditsinalyq kómekke Shaolin avtobýsynyń 14 jastaǵy jolaýshysy júgindi", - dep málimdedi Qaraǵandy oblysy PD baspasóz qyzmeti.

Oqiǵa politsiiada tirkelip, ol boiynsha tiisti saraptamalar taǵaiyndalǵany belgili boldy. Onyń nátijeleri boiynsha protsessýaldyq sheshim qabyldanady. Oqiǵa týraly tiktoker júrgizýshi Aidos Arinovtyń ózi de pikir bildirdi. Ol óziniń Instagram paraqshasynda bolǵan jaǵdai týraly aitty. Arinovtyń aitýynsha, onyń bolǵan apatqa kinási joq.

"Adamdardy Gapeev kóshesindegi sońǵy aialdamaǵa túsirdim. Al ekinshi avtobýs jolaýshylardy túsirmei, meniń aldymda buryla bastady. Dereý toqtaýǵa tyrystym, biraq bul da kómektespedi. Sebebi ol aialdamada turǵan adamdarǵa asyqty", - dedi Aidos Arinov.

Sondai-aq, ol eki kólik qalai zaqymdanǵanyn kórsetti. Onyń júrgizýshi jaqtaǵy ainasy synǵan, Shaolin markaly avtobýstyń ainasy joq.

Videolardyń birinde ol narkologiia boiynsha meditsinalyq tekseristen ótkenin, avtobýsyn jóndeýge shyǵaratynyn aitty.

Sonymen qatar, jelide pikir bildirýshiler eki topqa bólindi. Keibireýler tiktoker júrgizýshini qoldasa, ekinshi jartysy ózi jol erejesin jii buzatynyn aitady.

"Mine, telefonda otyrǵanda ne bolatyny", - dedi bir qoldanýshy.
"Tiktokty az túsirý kerek. Bilep boldyń", - dep jazdy taǵy bir qoldanýshy. "Ol avtobýs júrgizip kele jatqan kezde, jolda video túsiredi. Bul qaýipti. Ol adamdardy tasidy", - dedi syn aitqan úshinshi qoldanýshy.

Biyl tamyzda jeli qoldanýshylary Arinovqa shabýyl jasady. Olar ony jolaýshylar tasymaly erejelerin jii buzady jáne ata-anasynyń ruqsatynsyz avtobýstaǵy kishkentai jolaýshylardyń sýretterin Instagram men TikTok paraqshalaryna salady dep aiyptady. Sodan keiin politsiia bul shaǵymdardy tekserýge ýáde berdi.

Oqi otyryńyz