Qaraǵandy oblysynda aýdandyq aýrýhanalardyń biriniń direktory qolastyndaǵy qyzmetkerlerge tólengen ústemeaqydan úles retinde para alǵany úshin ustaldy.
Sybailas jemqorlyqqa qarsy is-qimyl agentiginiń Telegram kanalynda osyndai málimet jariialandy, dep habarlaidy QazAqparat.
«Qaraǵandy oblysyndaǵy aýdandyq aýrýhanalardyń biriniń direktoryna qatysty sotqa deiingi tergeý bastaldy. Atalǵan adam COVID-19 infektsiiasyn juqtyrǵan naýqastarǵa meditsinalyq kómek kórsetýge qatysatyn jumyskerlerdiń ústemeaqysynan úles retinde para aldy degen kúdikke ilindi. Kúdikti adamǵa qatysty «kúzetpen ustaý» túrindegi bultartpaý sharasy qoldanyldy», - dep jazylǵan agenttiktiń aqparatynda.
