Qaraǵandyda anasy men kishkentai qyzy orman mańynan óli tabyldy. Bul týraly oblystyq Politsiia departamentiniń baspasóz qyzmeti habarlady.
Vedomstvo málimetinshe, 24 qyrkúiekte kúndiz Qaraǵandy irgesindegi Aqtas aýyly mańyndaǵy ormannan eki adamnyń shirigen denesi tabylǵan.
"Atalǵan derek boiynsha QR Qylmystyq kodeksi 99-babynyń 2 jáne 3-bóligi "Eki nemese odan da kóp adamdy óltirý" jáne "Dármensiz kúide ekeni belgili adamdy óltirý" boiynsha qylmystyq is qozǵaldy. Qazirgi ýaqytta barlyq qajetti saraptamalar taǵaiyndaldy. Tergeý júrgizilip jatyr", - dedi oblystyń PD baspasóz qyzmeti.
