Qaraǵandy joǵary gýmanitarlyq kolledjinde Álihan Bókeihannyń týǵanyna 155 jyl tolýyna jáne QR Táýelsizdiginiń 30 jyldyǵyna arnalǵan «Álihan Bókeihan: uly murat jolynda» atty oblystyq ǵylymi-tájiribelik konferentsiia ótti, dep habarlaidy "Ult aqparat".
Is-sharaǵa barlyǵy 80-ge jýyq qujat pen ótinish kelip tústi.
Konferentsiia jumysy eki baǵytta ótti: «Á. N.Bókeihan - uly ideal jolyndaǵy kóshbasshy» jáne «Á. N. Bókeihan jáne onyń rýhani murasy».
Kezdesýde «Máńgilik el» ulttyq ideologiiasynyń qaǵidattaryna sáikes qoǵam qairatkeri kózqarastarynyń ózektiligi, qoǵamdy jańǵyrtý problemalary jáne tarihi shyndyq týraly aityldy.
Ekinshi bólim mereitoi iesiniń rýhani murasyna arnaldy. Onyń aýdarmashy, ádebiettanýshy, aǵartýshy, tarihshy, pedagog jáne pýblitsist retindegi qyzmeti jaily sóz qozǵaldy.
Konferentsiia jumysyna tarih ǵylymdarynyń kandidaty, «Tulǵataný» ǵylymi-zertteý ortalyǵynyń direktory Nursahan Beisenbekova, filologiia ǵylymdarynyń doktory, professor Jandos Smaǵulov, Ortalyq Qazaqstan gazetiniń bas redaktory Ersin Musabekov jáne t. b. qatysty.
