Qaraǵandyda 18 jasar alaiaq múgedek áieldiń atyna shamamen 3 mln teńgege jýyq nesie rásimdegen. Kúdikti boijetkendi politsiia ustady, dep habarlaidy QazAqparat.
26 qazanda Qaraǵandy qalasy politsiia basqarmasy Oktiabr aýdandyq politsiia bólimine 52 jastaǵy qala turǵynynan aryz tústi. Áiel belgili bir tulǵa oǵan úsh taýar kreditin rásimdegenin, sondai-aq óz shotyna 459 myń teńge aýdarǵanyn habarlady. Shyǵyn somasy 1 mln. 804 myń teńgeni qurady. Atalǵan fakti boiynsha politsiia QR QK 190-baby «Alaiaqtyq» boiynsha qylmystyq is qozǵady.
«9 qarashada jedel-izdestirý sharalary barysynda kriminaldyq politsiia qyzmetkerleri kúdikti 18 jastaǵy qyzdy anyqtap, ustady. Ol óz kinásin moiyndady», - dep habarlady Qaraǵandy oblysy Politsiia departamentiniń baspasóz qyzmeti.
Tergeý barysynda jábirlenýshiniń múgedek ekeni jáne oǵan kútim qajet ekeni belgili boldy. Oǵan kúdikti járdem etken. Ótinish berýshiniń jeke málimetterine qol jetkize otyryp, ol olardy óz múddesi úshin paidalanǵany anyqtaldy.
Sotqa deiingi tergeý barysynda politseiler kúdikti múgedek áielge taǵy eki taýar nesiesin rásimdegenin anyqtady. Keltirgen zalaldyń jalpy somasy 2 mln.784 myń teńgeni qurady.
