Foto: iStockphoto
Qaraǵandy turǵyny kriptovaliýtany zańsyz satý arqyly 100 mln teńgege jýyq aqsha tapqan, - dep habarlaidy "Ult aqparat" Qarjylyq monitoring agenttigine silteme jasap.
QMA Qaraǵandy oblysy boiynsha Departamenti asa iri mólsherde kiris alýmen ushtasqan kriptobirja arqyly elektrondyq tsifrlyq aktivter ainalymymen zańsyz kásipkerlik qyzmetti júzege asyrǵan azamatqa qatysty sotqa deiingi tergep-tekserýdi tirkegen.
"Aldyn ala qorytyndy boiynsha 2020 jyldyń basynan 2023 jyldyń aqpanyna deiin ámiianǵa jinalǵan kriptovaliýta túsimderiniń somasy 205 myń AQSh dollary nemese 95 mln teńgeden asty.
Kúdikti tulǵa «BINANCE» birjasynda satyp alýshylardyń kripto-ámiiandaryna onyń ulynyń kripto-ámiiandarynan aýdarymdar jasaý arqyly kriptovaliýtany satýdy júzege asyratyny anyqtaldy" - delingen habarlamada.
AHQO aqparatyna sáikes, atalǵan tulǵalardyń eshqaisysynda zańdy tulǵa retinde aiyrbastaý operatsiialaryn júzege asyrýǵa litsenziialar bolmaǵan.
"Sotqa deiingi tergeý tirkeldi.
QR QPK-niń 201-baby tártibindegi ózge de aqparat jariia etýge jatpaidy. QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi" - delingen QMA habarlamasynda.
