Qaraǵandy oblysynyń Jáirem kentiniń mańynda túzilgen erekshe bulttar jurt arasynda dúrbeleń týdyrdy. Áleýmettik jelide paida bolǵan videonyń astynda paidalanýshylar «belgisiz bireýler virýs shashyp jatyr» degen pikirler qaldyrýda, dep habarlaidy "Ult aqparat".
Jurttyń úreiin týdyrǵan beinetúsirilim búgin áleýmettik jeliler arqyly tarady. Keibirjeli qoldanýshylar ony bireýler virýsty turǵyn úilerdiń ústinen shashyp jatyr dep boljam jasap ta úlgergen.
Qaraǵandy oblysy ákiminiń baspasóz qyzmeti bul aqparatty joqqa shyǵardy.
«Bul tótenshe jaǵdai emes, atalǵan qubylys jóninde Qazgidromet mamandary túsinikteme berdi. Tańǵy gloriia-bul sirek kezdesetin meteorologiialyq qubylys, ol kóldeneń buralǵan bulttar túrinde kórinedi. Bulttar biiktigi 1-den 2 km-ge deiingi naizaǵaily jiekti qurap, kóbinese jerden 100-200 metr biiktikte (biraq ádette joǵary) ornalasady. Onyń uzyndyǵy 1000 km-ge deiin jetip, saǵatyna 60 km jyldamdyqpen qozǵalady. «Tańǵy gloriia» kóbine qatty jel jáne jer betindegi qysymnyń ózgerýinen paida bolady Bulttyń aldynda oǵan belgili bir pishin beretin jyldam vertikaldi qozǵalys paida bolady. Kóbine bul qubylys naizaǵai bastalǵanǵa deiin paida bolady», - dep jazdy Facebook-tegi óz paraqshasynda Qaraǵandy oblystyq ákimdiginiń baspasóz hatshysy Marina Shapovalova.
Beinekórinistiń astyna keibireýler «belgisiz adamdar virýs shashyp jatyr» dep jazba qaldyrǵan. Basqalary, kerisinshe, «bul koronavirýspen kúresetin belgisiz zat» deidi.
Bul virýstyń taralýy emes, tabiǵattyń sirek kezdesetin qubylysy ekenin QR Ekologiia, geologiia jáne tabiǵi resýrstar ministrliginiń «Qazgidromet» RMK de rastady.
«Qaraǵandy oblysy Jáirem kenti turǵyndarynyń videosy boiynsha túsirilgen qubylys orama bulty (volutus) ekenin habarlaimyz. Orama bulttar óz osin ainalyp júrgendei áser qaldyratyn tútik tárizdi uzyn, ádette tómen ornalasatyn, kóldeneń bult massasy. Orama bulttar basqa bulttarǵa qosylmaǵan soliton jáne Jer atmosferasyndaǵy tolqyndardyń buzylýynyń mysaly bolyp tabylady. Bul túr negizinen qabatty kýmýlonimbýsqa jáne sirek jaǵdailarda joǵary sáýleli bulttarǵa tán. Mundai bulttar sýyq aýanyń sýyq aýa aǵyndarynan shyǵýy nátijesinde paida bolady. Óte sirek kezdesetin, biraq bulttardyń erekshe túrleriniń biri», - dep habarlady «Qazgidromet» RMK.
