Qaraǵandy oblysynyń Ulytaý aýdanynda qutqarýshylar dala órtin sóndirdi. Qurǵaq shóp 25 shilde kúni jandy. Eki táýlik ishinde órt sóndirýshiler jalynmen kúresip, ony toqtatty, dep habarlaidy "Ult aqparat".
Órtti sóndirýge TJ departamentiniń, orman sharýashylyǵynyń bólimsheleri, jergilikti atqarýshy organdar, politsiia bólimi, órtke qarsy erikti quramalar men jergilikti turǵyndar jumyldyryldy.
«Qaraǵandy oblysynda 29 shildede kúndiz kei jerlerde naizaǵai oinap, órt qaýpi saqtalady. Oblys turǵyndary men qonaqtaryn qaýipti kezeńde ormandar men dalalarda otty paidalaný kezinde erekshe saq bolýdy suraimyz», – dedi oblystyq TJD qaraǵandylyqtarǵa.
Esterińizge sala keteiik, qutqarýshylar Qaraǵandy oblysynyń Ulytaý aýdanynda aýmaǵy 4 000 ga quraǵan tabiǵi órtti sóndirýge qatysty. Órtti sóndirýge Qaraǵandy oblysy TJD, jergilikti atqarýshy organdarynyń, orman sharýashylyǵynyń kúsh-quralymdary, órtke qarsy erikti qurylymdar jáne jergilikti turǵyndar jumyldyryldy. Olardyń jalpy sany - 229 adam men 66 tehnika.
