Aýa raiynyń nasharlaýyna bailanysty Qaraǵandy oblysyndaǵy avtojoldarda barlyq avtokólik túrleri úshin qozǵalys shektelgen. Alaida soǵan qaramastan alys jolǵa shyqqandar bar. Óńirdiń TJD, politsiia jáne áskeri qyzmetshileri jolda qalyp qoiǵan 60-tan astam adamdy qutqaryp, evakýatsiialady, dep habarlaidy "Ult aqparat".
Kepteliste turǵan avtomobilderden avtojoldardy jabý oryndarynda TJ departamentiniń, QR TJM 52859 áskeri bólimi, Apattar meditsinalyq ortalyǵy jáne politsiianyń kúshimen adamdardy evakýatsiialaý jáne olardy eldi mekender men jylytý beketterine jetkizý júrgizilýde.
Oblys boiynsha barlyǵy 63 adam qutqarylyp, evakýatsiialandy, onyń ishinde 7 bala bar.
Qaraǵandy oblysynyń TJD qyzmetkerleri turǵyndarǵa kelesidei eskertý jasaidy:
- eldi mekenderden tys jerlerge shyqpańyzdar!
- avtojoldarda jabylý oryndarynda kólik quraldarynyń jinalýyna jol bermeńizder!
- múmkindiginshe eldi mekenderde, kempingterde, jol boiyndaǵy kafelerge toqtap, aýa-raiynyń jaqsarýyn kútińizder!
- ásirese túnde jáne aýa-raiy nasharlaǵan kezde alys qashyqtyqqa jaiaý júrýden bas tartyńyzdar!
- aýa-raiynyń ózgerýine sáikes kiinińizder.
Barlyq oqiǵalar men TJ faktileri týraly 112 nemese 8(7212) 43-36-36, 43-37-37 telefondary arqyly habarlasýǵa bolady.
TJD jedel shtabynyń jedel jeli telefony 51-72-23.
