Qaraǵandy oblysynyń Nura kentiniń mańynda jol apaty boldy. Eki kólik soqtyǵysyp, eki júrgizýshi de mert boldy, jeti bala zardap shekti, dep habarlaidy QazAqparat.
Jol apaty 28 maýsym kúni saǵat 21.45-te bolǵan. Nura aýylynan 4 shaqyrym jerde «Jaraspai-Nura» avtojolynda eki avtokólik soqtyǵysqan. Politsiia departamentinde habarlaǵandai, «Honda Odissei» avtokóliginiń 58 jastaǵy júrgizýshisi aldyn rýldi basqara almai, qarsy jolaqqa shyǵyp ketip, 25 jastaǵy júrgizýshiniń basqarýyndaǵy «Folksvagen Golf» avtokóligimen soqtyǵysqan.
«Oqiǵa ornynda «Honda Odissei» avtokóliginiń júrgizýshisi kóz jumdy. «Folksvagen Golf» avtokóliginiń júrgizýshisi meditsinalyq mekemede qaitys boldy», - dep habarlady Qaraǵandy oblysy PD baspasóz qyzmet.
Sondai-aq, jol apatynan «Folksvagen Golf» avtokóliginiń jolaýshylary zardap shekti. 37 jáne 33 jastaǵy erli-zaiypty jáne olardyń 11, 8, 7, 6, 5 jáne 2 jastaǵy balalary, sondai-aq 19 jastaǵy áieldiń inisi meditsinalyq mekemege jetkizildi.
Fakt politsiiada tirkelip, tiisti saraptamalar taǵaiyndaldy, olardyń nátijesi boiynsha protsessýaldyq sheshim qabyldanatyn bolady.
