Qaraǵandy oblystyq jerdiń paidalanylýy men qorǵalýyn baqylaý basqarmasynyń basshysy Arman Liambekov máslihat depýtattaryna óńirdegi jaiylymdardy basqarý josparyn qatań baqylaýǵa alýdy usyndy, dep habarlaidy QazAqparat.
Aýyl sharýashylyq jerlerin utymdy paidalaný máselesi ózekti kúiinde qalyp otyr. Aýyl turǵyndaryna jaiylym jetispeidi.
Memleket basshysy Qasym-Jomart Toqaev bul máseleni sheshýdi tapsyrdy.
Paidalanylmaityn jaiylym jerin qalai qaitarýǵa bolady? Nura aýdanyndaǵy kezdesýde osy problema talqylandy.
Keńesti Qaraǵandy oblysy ákiminiń orynbasary Serik Shaidarov pen jerdi paidalaný jáne qorǵaý jónindegi bas memlekettik inspektor Arman Liambekov ótkizdi.
Beinekonferentsiiaǵa aýyldyq okrýg ákimderi qatysty.
Arman Liambekov Jer kodeksindegi ózgeristerge nazar aýdardy.
«Jergilikti atqarýshy organdarǵa halyqty jaiylymdyq jerlermen qamtamasyz etý boiynsha barlyq quraldar berilgen. Zańnamalyq baza bar, ony paidalaný kerek. QR Jer kodeksiniń 17 babyna sáikes aýdandyq máslihattar jaiylymdardy basqarý jónindegi jospardy ýaqtyly bekitýi qajet. Onyń naqty oryndalýy men depýtattar tarapynan qatań baqylaý máseleni sheshýge yqpal etedi», - dedi ol.
Kezdesýde jaiylym týraly zań da sóz boldy. Ony qalai tolyq kólemde júzege asyrý kerektigi talqylandy.
