Qaraǵandy oblysyndaǵy Abai aýdanynda Taimas batyr kesenesin qalpyna keltirý aiaqtaldy. Tarihi nysan memleket qaraýyna alynǵan jáne «Qasietti Qazaqstan» jobasyna engizilgen, dep habarlaidy "Ult aqparat" óńir basshysynyń resmi saityna silteme jasap.
Taimas batyr Kenesary han jasaqtary basshysynyń biri boldy. Qolbasshy óziniń erlikterimen Uly dalanyń dańqyn shyǵardy.
Keseneni qalpyna keltirý «Rýhani jańǵyrý» baǵdarlamasy boiynsha jasaldy. Qalpyna keltirý kezinde nysannyń sáýlettik tarihi kórki saqtaldy. Jergilikti aqsaqaldar men ziialylar qaýymy jumysty oń baǵalady.
- Taimas batyr - ult-azattyq qozǵalysta sansyz kóp áskerdiń saiasi jetekshisi ǵana emes, sonymen birge Altai óńiriniń Qareke bii boldy. Bul týraly túrli derekkózdegi tarihi faktiler aiǵaqtaidy, - dep atap ótti tarihshy Temirǵali Arshabekov.
