Foto: ©Turar Qazanǵapov
Qaraǵandy oblysynda tasjolda sheteldikterden 40 myń rýbl bopsalady degen politseiler izdestirilip jatyr, - dep habarlaidy Tengrinews.kz.
Top músheleriniń biri 2 qazanda oqiǵa týraly Telegram-da jazǵan. Avtordyń aitýynsha, ol tanystarymen Astanadan Balqashqa kele jatqan. Olar eki kólikpen júrgen. Qyzdyń aitýynsha, bir sátte olar dabyl belgisi qosylǵan politsiia kóligin baiqaǵan. Tártip saqshylary olardan toqtaýdy surap, keiin olardan kólikke otyrýyn suraǵan jáne telefondaryn kólikte qaldyrýdy suraǵan. Qyz politseiler para týraly meńzegenin aitady.
Onyń aitýynsha, politsei olarǵa jolaqty belgilenbegen jerden kesip ótti degen aiyp taqqan. Qyz olarǵa tipti videodáleldemeler berýge daiyn bolǵanyn aitady, biraq olar dereý hattama jasaityndaryn, jol júrgizý kýálikterinen aiyratynyn aitqan. Qyzdyń sózinshe, politsiia qyzmetkeri ár kólikten 40 myń rýbl para suraǵan kórinedi.
"Quqyq buzǵan-buzbaǵanymyzdy bilmedik jáne qorqyp kettik. Ókinishke qarai, Qazaqstanda naqty aiyppul qansha ekenin oqymadyq jáne bul úshin birden júrgizýshi quqyǵynan aiyratynyna sendik. Biz qorqyp, berdik, biraq suraǵanynan az. Biz eshkimge qońyraý shalyp, Internetten múldem teksere almadyq, óitkeni ol jerde eshqandai bailanys bolǵan joq", - dedi ol.
Jazba avtory video túsire almaǵandaryn atap ótti. Onyń aitýynsha, politsiia qyzmetkeri de jazbany videotirkegishten óshirip tastaǵan.
Qaraǵandy oblysy Politsiia departamenti ókilderi bul derek boiynsha tergeý bastalǵanyn aitty.
"Qazannyń basynda áleýmettik jelide Ekaterinbýrg - Almaty tasjolynda jol erejesin buzý deregi boiynsha ákimshilik jaýapkershilikten bosatqany úshin sheteldik azamattardan politseiler zańsyz aqsha alǵany týraly aqparat anyqtaldy.
Jazbada kórsetilgen dálelderdi tekserý maqsatynda Qaraǵandy oblysy Politsiia departamentiniń Ózindik qaýipsizdik basqarmasy sotaldy tergep-tekserýdi bastady, ol boiynsha qazir qajet tergeý áreketteri júrgizilip jatyr", - dedi óńirlik PD baspasóz qyzmeti ókili.
