Qaraǵandy oblysynda oqýshylar sany 300-den aspaityn qalalyq jáne aýyldyq mektepter dástúrli bilim berý formatyna aýysady. Bul rette, ár synypta 25 oqýshydan aspaýy tiis, dep habarlaidy "Ult aqparat".
QR Bas memlekettik sanitariia dárigeriniń 2021 jylǵy 25 naýryzdaǵy №12 qaýlysynyń kúshine enýine bailanysty Qaraǵandy oblysynyń bas memlekettik sanitariialyq dárigeriniń qoldanystaǵy 2021 jylǵy 19 qańtardaǵy № 2-Q qaýlysyna ózgerister men tolyqtyrýlar engizý týraly sheshim qabyldandy, atap aitqanda:
- 2020-2021 oqý jylynyń tórtinshi toqsanynan bastap oqýshylar sany 300-ge deiin, synyptardaǵy balalar sany 25 adamnan aspaityn qalalyq jáne aýyldyq mektepterde dástúrli formatta oqytý qaita bastalady;
- bilim berý uiymy ákimshiliginiń sheshimi boiynsha sabaqtan tys ýaqytta 15 adamnan aspaityn toptarda oqýshylardy jeke oqytý júrgiziledi;
- táýekeli tómen jáne ortasha aimaqtarda (jasyl jáne sary aimaqtar) ornalasqan óńirlerde oqytý synyptardaǵy balalar sany 25 adamnan aspaityn barlyq synyp oqýshylary úshin jalpy bilim beretin mektepterde aralas formatta júrgiziledi;
- joǵary qaýipti aimaqta (qyzyl aimaq) ornalasqan óńirlerde oqytý mektepaldy synyptardyń oqýshylary úshin jalpy bilim beretin mektepterde 1-den 5-synyptardy qosa alǵanda, halyqaralyq mektepterde 1-den 7-synyptardy qosa alǵanda, synyptardaǵy balalar sany 25 adamnan aspaityn aralas formatta júrgiziledi;
- bitirýshi synyptar úshin (9, 11 (12) synyptar) aptanyń 6 kúni ishinde aralas formatta oqytý: pánderdiń 70% – y shtattyq rejimde, 30%-y qashyqtan (synypta 15 adamnan artyq emes, «1-synyp-1-kabinet» qaǵidaty boiynsha oqytý, sanitariia-dezinfektsiia jáne maska rejimderin saqtaý) júrgiziledi.
Qujat qol qoiylǵan kezinen bastap kúshine enedi.
