Qaraǵandy oblysynda jolda qalǵan 79 adam, onyń ishinde 7 bala qutqaryldy, dep habarlaidy "Ult aqparat".
Qutqarý jumystarynyń biri Temirtaý qalasynda «Almaty-Ekaterinbýrg» avtojolynda júrgizildi. 52859 áskeri bóliminiń kúshimen qar qursaýynda qalǵan avtokólikterden 17 adam qutqaryldy. Adamdar Temirtaý jáne Qaraǵandy qalalaryna jetkizildi.
Temirtaýda «Almaty-Ekaterinbýrg» avtojoly ýchaskesiniń 1060 shaqyrymynda TJD kúshimen tehnikalyq aqaýy bar avtokólikten er adam qutqarylyp, qalaǵa jetkizildi.
Taǵy bir qutqarý jumysy Shet aýdanynda júrgizildi. Qyzylqoi aýyly mańynda «Almaty-Ekaterinbýrg» avtojolynda qar qursaýynda toqtap qalǵan jedel meditsinalyq járdem avtomobili men jeńil avtokólikten 9 adam qutqaryldy.
Temirtaý qalasynda qutqarýshylar tehnikalyq aqaýy bar jeńil avtkólikte qalǵan 2 adamdy qalaǵa jetkizdi.
Sonymen qatar, Buhar Jyraý aýdanynda «Qaraǵandy-Aiagóz-Buǵaz» avtojolynyń 52-shi shaqyrymynda, Botaqara kentinen 5 shaqyrym jerde TJD kúshimen qar qursaýynda qalǵan avtokólikterden 37 adam, onyń ishinde 2 bala qutqaryldy. Qutqarylǵandar Qaraǵandy qalasyna jetýine kómektesti.
Osakarov aýdanynda, «Qyzylorda-Pavlodar» a/j 1124 km, Molodejnyi kentinen 55 km jerde tehnikalyq aqaýy bar júk avtokóliginen 4 adam qutqaryldy, olar Molodejnyi kentine jetkizildi.
Buqar Jyraý aýdanynyń Toǵyzqudyq aýylynan 9 shaqyrym jáne Doskei aýylynan 10 shaqyrym jerde TJD kúshimen 9 adam qutqaryldy. Olardyń eshqaisysy meditsinalyq kómekke qajet bolmady.
