Ótken táýlikte Qaraǵandy oblysynyń aýmaǵynda qardyń qarqyndy erýine bailanysty joldardyń úsh ýchaskesin sý basty. Degenmen kólikterdiń qozǵalysy toqtamady. Eldi mekenderge eshqandai qaýip joq, dep habarlaidy "Ult aqparat".
Tasqyn sý Osakarov aýdanynda, Molodejnyi kentinen 7 km jerde, Qyzylorda - Pavlodar tas jolynyń 1058-shi shaqyrymynda boldy;
Osakarovka - Molodiojnyi tas jolynyń 8-shi shaqyrymynda; Nura aýdanynda Nursultan - Qabanbai batyr - Nura - Temirtaý jolynyń 148- 149-shy shaqyrymynda. Munda eskertý belgileri ornatylyp, jol qyzmeti, jergilikti politsiia qyzmeti jáne TJD bólimsheleriniń kezekshiligi uiymdastyryldy.
Avtomagistraldarǵa ornatylǵan sý ótkizgishter tasqyn sýlardyń kedergisiz ótýine múmkindik beredi.
«Qaraǵandy oblysynda sý tasqyny jaǵdaiy turaqty jáne sý tasqynyna qarsy oblystyq jedel shtabtyń qatań baqylaýynda», - dep málimdedi Qaraǵandy oblysy TJD baspasóz qyzmetinde.
Ótken jyly 74 jol ýchaskesinde sý ótkizý qabiletin arttyrý boiynsha jumystar júrgizildi. Naýryzda Osakarov aýdanyndaǵy Sabyrqoja, Abai aýdanyndaǵy Nura jáne Qarqaraly aýdanyndaǵy Qarasor kólderinde muz jarý jumystary júrgizildi. Aqtoǵai jáne Buqar jyraý oblystaryndaǵy Aqtas jáne Nura ózenderinde burǵylaý jáne muz kesý jumystary aiaqtaldy.
