Qaraǵandy oblysy Shet aýdany Aqjal aýylynyń mańynda boran kezinde er adam kóz jumdy. Ol keshe tústen keiin boranǵa qaramastan qystaqtan shyǵyp ketken. Búgin TJD qyzmetkerleri daladan onyń máiitin taýyp aldy, dep habarlaidy "Ult aqparat".
26 aqpanda Shet aýdany Aqjal kentiniń mańynda er adamnyń joǵalyp ketkeni týraly habarlama kelip tústi. 1961 jyly týǵan er adam 25 aqpanda kúndiz qystaýdan belgisiz baǵytta shyǵyp, oralmaǵan.
«Qaraǵandy oblysy TJD bólimsheleriniń, politsiia men jergilikti atqarýshy organdardyń kúshterinen turatyn izdestirý toby izdestirý-qutqarý jumystaryna kiristi. 26 aqpanda saǵat 17:15-te izdeý toby qystaqtan 5 shaqyrym jerde joǵalyp ketken adamnyń denesin tapty», - dep habarlady Qaraǵandy oblysy TJD baspasóz qyzmeti.
Oblystyń qutqarýshylary aýa raiy nasharlaǵan kezde eldi mekenderden tys jerlerge jaiaý jáne jol júrýden aýlaq bolýdy, aýa raiynyń ózgerýine sáikes kiinýdi eskertedi.
Barlyq oqiǵalar men TJ faktileri týraly 112 nemese 8(7212)43-36-36, 43-37-37 telefondary boiynsha habarlasýǵa bolady.
