Qaraǵandy oblysynda áli de 4 orman órti men 4 dala órtin sóndirý jalǵasyp jatyr, dep habarlaidy QazAqparat.
Óńirde aýa raiynyń ystyq bolýyna jáne qatty jel soǵýyna bailanysty joǵary órt qaýipsizdigi saqtalyp otyr.
Shet aýdanynda, Qyzyltaý aýylynan 12 shaqyrym jerde 5 qyrkúiekte qurǵaq shóp órtendi. Ot 300 ga jerdi sharpydy, osy aýdannyń Nurataldy aýyldyq okrýginde, Shopa aýylynan 25 shaqyrym jerde, 6 qyrkúiekte bastalǵan dala órtin joiý jalǵasýda. Aldyn ala málimetter boiynsha, bul ýchaskede órt aýmaǵy 1000 ga qurady. Sondai-aq dala órti Nura aýdany, Qaraqoiyn aýyldyq okrýginiń Kerei aýylynan 50 km qashyqtyqta oryn alǵan. Aldyn ala derekter boiynsha qurǵaq shóptiń janý alańy 200 ga qurady.
Buqar Jyraý aýdanynda, Belaǵash ormanshylyǵynyń aýmaǵynda, Tórtkól aýylynan soltústik-shyǵysqa qarai 20 km jerde, 6 qyrkúiekte saǵat 16:40-ta qurǵaq shópter men aǵashtar órtendi. Orman órtiniń boljamdy aýdany – 10 ga. Shet, Qarqaraly jáne Nura aýdandarynda áli de dala aýmaǵy órtenip jatyr.
«Barlyq órt oshaqta TJD, jergilikti atqarýshy organdardyń erikti órt sóndirý quramalarynyń jáne ormanshylyqtardyń kúshteri jumyldyryldy. Jalyndy sóndirýge 362 adam men 83 tehnika jumyldyryldy», – dep habarlady TJD.
