Qaraǵandy oblysynda koronavirýstyq infektsiiamen syrqattaný kórsetkishi ósýde. Tek ótken aptada aýyrǵandar sany 1,7 ese ósti. Epidemiologiialyq jaǵdaidyń nasharlaýyna bailanysty 12 sáýirden bastap karantin rejimin kúsheitý týraly sheshim qabyldandy, dep habarlaidy "Ult aqparat".
Tyiymdar men shekteýler týraly oblystyń bas memlekettik sanitarlyq dárigeri Iýrii Zalygin Óńirlik kommýnikatsiialar qyzmeti alańynda tikelei efirde ótken brifingte málim etti.
Oblys boiynsha kelesi nysandardyń qyzmetine tyiym salynady:
Qaraǵandyda Ashyq pilottyq jobasy iske asyrylatyn nysandardy qospaǵanda, oiyn-saýyq mekemeleri (karaoke, kompiýterlik klýbtar, túngi jáne oiyn klýbtary, biliard, boýling ortalyqtary);
býkmekerlik keńseler;
jabyq úi-jailardaǵy oiyn alańdaryn, attraktsiondardy qosa alǵanda, balalardyń oiyn-saýyq ortalyqtary;
banket zaldarynyń;
teatrlar men kinoteatrlar, kontsert zaldary, tsirk;
mádeniet úileri men mádeniet sarailary, sondai-aq olardaǵy daiyndyqtar (bul rette kitaphanalar men murajailarda jumys isteýge ruqsat etilgen, alaida kelýshiler sany 30 adamnan aspaýy tiis);
jalpy bilim beretin mektepterde ornalasqan sektsiialar, úiirmeler.
Sabaqtan tys ýaqytta oqýshylarmen jeke sabaqtar ótkizýge ruqsat etilmeidi. Oqýshylardy SOVID-19 boiynsha jaǵdaiy nashar óńirler men elderge halyqaralyq jarystar men olimpiadalarǵa shyǵarýǵa bolmaidy. Ekskýrsiialarǵa tyiym salynǵan.
Oiyn-saýyq jáne buqaralyq is-sharalarǵa, forýmdarǵa, konferentsiialarǵa, kórmelerge, jármeńkelerge jáne t. b. tyiym áli de jalǵasýda.
Senbi jáne jeksenbi kúnderi kelesi baǵyttar boiynsha jolaýshylar tasymalyna ruqsat etilmeidi: Qaraǵandy – Temirtaý – Qaraǵandy; Qaraǵandy – Saran – Qaraǵandy; Qaraǵandy – Shahtinsk – Qaraǵandy; Qaraǵandy – Abai – Qaraǵandy; Qaraǵandy – Shahan – Qaraǵandy; Qaraǵandy – Topar – Qaraǵandy.
Elimizdiń basqa óńirlerine jáne oblys ishinde turaqty emes týristik tasymaldarǵa tolyq tyiym salynady.
Jattyǵý zaldary men fitnes-ortalyqtarǵa, basseinderge, sulýlyq salondaryna barý úshin aldyn ala jazylý qajet.
Senbi jáne jeksenbi kúnderi oblys boiynsha kelesi nysandar jabyq bolady:
saýda úileri, saýda-oiyn-saýyq ortalyqtary, kóterme-taratý ortalyqtary, aýdany 2000 sharshy metrden astam azyq-túlik emes taýarlary bar dúkender (azyq-túlik sýpermarketterin, azyq-túlik pavilondaryn jáne olardaǵy dárihanalardy, sulýlyq salondaryn, himiialyq tazartqyshtardy qospaǵanda);
fitnes-ortalyqtar, sporttyq-saýyqtyrý ortalyqtary, trenajer zaldary, sport keshenderi;
saýnalar, basseinder, SPA-ortalyqtar, massaj salondary (Qaraǵandyda Ashyg pilottyq jobasy iske asyrylatyn nysandardy qospaǵanda);
jabyq bazarlar (azyq-túlik jáne azyq-túlik emes).
Ashyq aýadaǵy (azyq-túlik jáne azyq-túlik emes) bazarlardyń jumysy tek jeksenbi kúnderi ǵana toqtatylady.
Sýpermarketter men gipermarketterdiń jumys kestesi: tańǵy 7.00-den 24.00-ge deiin. Barlyq kelýshiler úshin termometriia, maska rejimin jáne áleýmettik qashyqtyqty saqtaý qajet.
Qoǵamdyq tamaqtaný nysandaryna saǵat 9.00-den 20.00-ge deiin jumys isteýge ruqsat etiledi. Azyq-túlikti jetkizý jáne alyp ketýge ýaqyt shekteýi qoiylmaidy.
Meiramhanalar men dámhanalarda banketter, toilar, eske alý jáne basqa da ujymdyq jáne estelik is-sharalarǵa tyiym salynady.
Iýrii Zalygin mektepterde oqytý aralas formatta bolyp qala beretinin málim etti. Dástúrli túrde mektepaldy synyptardyń oqýshylary, 1-den 5-ke deiin, halyqaralyq mektepterde-1-den 7-ge deiin, synyptardaǵy balalar sany 25 adamnan aspaýy tiis. 6,7,8,10 synyp oqýshylaryn oqytý qashyqtyqtan oqytý formatyna aýystyrylady.
Qurama túrde bitirýshi synyp oqýshylary oqidy (9, 11 (12): 70% pánder shtattyq rejimde, 30% - qashyqtyqtan, jiyntyqtaý kezinde synypta 15 adamnan aspaýy tiis, «1 - synyp -
– 1- kabinet» qaǵidaty boiynsha sanitariialyq-dezinfektsiialyq jáne betperde rejimderin saqtai otyryp oqytylady.
Balabaqshalarda sany 15 adamnan aspaityn kezekshi toptar ǵana jumys isteidi.
Memlekettik uiymdar men jeke kásiporyndar óndiristik qajettilikke bailanysty qyzmetkerlerdiń keminde 80%-yn qashyqtyqtan jumys formatyna kóshirgeni jón.
Oblystyń bas memlekettik sanitarlyq dárigeri turǵyndardy 13 sáýir men 12 mamyr aralyǵynda ótetin qasietti Ramazan aiynda sanitarlyq-karantindik talaptardy saqtaýǵa shaqyrdy.
«Kez kelgen buqaralyq is-sharalar – bul eń aldymen maska rejimin, áleýmettik qashyqtyqty saqtamaýy múmkin kóptegen adamdardyń tyǵyz bailanysy. Aýrý belgileri bolmaǵan kezde asimptomatikalyq nemese bastapqy kezeńde naýqastarmen bailanys bolýy múmkin. Bul siz jáne sizdiń jaqyndaryńyz úshin úlken qaýip», - dep atap ótti Iýrii Zalygin.
