Qaraǵandy oblysynyń Osakarov aýdany «Sarybel» dep atalmaq. Bul máselege qatysty qoǵamdyq tyńdaý ótti, dep habarlaidy QazAqparat.
Aýdan turǵyndary arasynda Osakarov aýdanynyń ataýyn ózgertý týraly 90-shy jyldardyń aiaǵynda aityla bastady. Sońǵy jyldary bul másele halyqpen kezdesýlerde de, áleýmettik jelilerde de jii qozǵalady.
«Sarybel» - bul aimaqtyń tarihi ataýy. Bul máseleni E.Bóketov atyndaǵy QarMÝ professorlary men dotsentteri tereń zerttep keledi. Barlyq aýyldyq okrýgter men kentter boiynsha tyńdaýlar ótti. Habarlandyrýlar aýdandyq ákimdiktiń jáne máslihattyń resmi saittarynda, sondai-aq aýdandyq «Sarybel KZ» jáne «Selskii trýjenik» gazetteriniń paraqshasynda jariialandy. Tyńdaýǵa Qoǵamdyq keńes músheleri, jergilikti qoǵamdastyqtar jáne aýdan turǵyndary qatysty. Barlyq suraqtarǵa túsiniktemeler men jaýaptar berildi», - dep habarlady Osakarov aýdany ákimdiginiń baspasóz qyzmeti.
Aýdan ákimdiginen málimdegendei, Osakarovka kentiniń ózin qaita ataý týraly másele kóterilmegen. Ol sol kúiinde qala bermek.
Sonymen qatar vedomstvonyń aitýynsha, bul qaita atalý protsessine bailanysty jeke turǵyndar tarapynan eshqandai shyǵyndar bolmaidy. Barlyq qujattar tiisti organdarǵa jiberiledi.
