Qaraǵandy farmatsevtikalyq kesheni (QFK) 600 myń doza kóleminde vaktsinanyń alǵashqy iri partiiasyn jetkizdi. Sondai-aq, osy aidyń sońyna deiin vaktsinanyń qosymsha 900 myń dozasyn jetkizý josparlanyp otyr, dep habarlaidy "Ult aqparat" farmatsevtika kesheniniń Telegram-daǵy paraqshasyna silteme jasap.
Qaraǵandy farmatsevtikalyq kesheninde vaktsina óndirisiniń kólemi sáýir aiynda 1,5 million dozaǵa jetedi.
«Jalpy, Qazaqstan aýmaǵynda «Spýtnik V» vaktsinasyna tirkeýdi alǵan kúnnen bastap Qaraǵandy farmatsevtikalyq kesheni atalǵan vaktsinanyń 958 myń dozasyn óndirip jetkizdi. Sondai - aq, Reseide óndirilgen «Spýtnik – V» vaktsinasynyń 52 myń dozasyn jetkizýdi júzege asyrdy», delingen habarlamada.
QFK málimdeýinshe, «Spýtnik V» vaktsinasynyń óndirisi men jetkizilýi bekitilgen kesteden erte júzege asyrylyp keledi.
«QFK qyzmetkerleri preparatty ári qarai alyp júrý - farmakologiialyq qadaǵalaý, iaǵni unamsyz qubylystardy monitoringileý, patsientterdiń ótinishi men shaǵymdaryn jinaý, taldaýdy júzege asyrady», delingen habarlamada.
