Qapshaǵai qalasynyń «Shyǵys» yqsham aýdany mańyndaǵy shuńqyrlardan kóp kólemde meditsinalyq qaldyqtar tabyldy. Dabyl qaqqan turǵyndar tamyrǵa salatyn ineler men shpritstardyń shashylyp jatqan videosyn túsirip, áleýmettik jelige júktegen, - dep habarlaidy "Ult aqparat".
Sol mańda balalar oinap júrgenin aitqan azamatsha mundai nemqurailyq adam ómiri men densaýlyǵyna qaýipti dep alańdaýly. Sondai-aq, shuńqyrǵa jinalǵan sý Qapshaǵai sý qoimasyna aǵyp, ekologiiaǵa keri áserin tigizýi múmkin dep otyr. Shahar basshylyǵy qazirgi tańda meditsinalyq qaldyqtardyń ol jerge qaidan kelgenin anyqtaý úshin tártip saqshylaryna tapsyrma berip, ineler úiindisiniń kózin joiǵan.
«2021 jylǵy 25 naýryzda Qapshaǵai qalasynyń turǵyny Shamaeva Marianna óziniń Instagram áleýmettik jelisindegi akkaýntynan foto-beinematerialdardy jariialaǵan bolatyn. Bul Qapshaǵai qalasynyń «Vostochnyi» jáne 12 shaǵyn aýdandarynyń aralyǵyndaǵy paida bolǵan kólshikte meditsinalyq qaldyqtardyń tastalǵany belgili boldy. Munda paidalanylǵan shpritster, naýqastarǵa qoiylatyn sistemalyq zattar, maqta, orama qaǵaz qoraptaryn kórý bolady. Osy málimet habarlanǵan sátten bastap, qalanyń turǵyn úi kommýnaldyq jáne óńirlik kommýnaldyq qyzmetiniń qyzmetkerleri oqiǵa ornyna shyǵyp, foto-beine tirkeý jáne meditsinalyq qaldyqtardy jinaý jumystaryn júrgizdi. Sodan keiin, atalǵan meditsinalyq qaldyqtar talaptarǵa sáikes tolyqtai joiyldy.
Qazirgi ýaqytta quqyq qorǵaý organdarynyń qyzmetkerleri osy Ákimshilik quqyq buzýshylyqty jasaǵan belgisiz adamdy nemese uiymdy anyqtaý úshin is-sharalar júrgizýde», - dep jaýap berdi Qapshaǵai qalasy ákiminiń baspasóz hatshysy Ardaq Qasymhanova.
