Qonaev qalasyndaǵy Qapshaǵai sý qoimasynda tórt adam sýǵa batyp ketti, - dep habarlaidy Tengrinews.kz Almaty oblysy TJD baspasóz qyzmetine silteme jasap.
Vedomstvo málimetinshe, 26 maýsymda Qapshaǵai sý qoimasyndaǵy "Golýboi zaliv" aýdanynda shomylýǵa arnalmaǵan jerde tórt adam sýǵa batyp ketken, olar - 1990 jylǵy áiel, 1992 jylǵy er adam jáne 2007, 2010 jylǵy balalar. Al 1954 jyly týǵan bir áiel qutqaryldy. Bul adamdardyń bári týysqan ekeni aityldy.
"Sý qoimasynda shomylý barysynda tolqyn kóterilip, eki aǵaiyndy bala bata bastaǵan. Olardy aǵasy, tátesi jáne apasy qutqarýǵa umtylǵan. Biraq ókinishke qarai, tek apasy ǵana aman qaldy. TJD qutqarýshylary eki bala men er adamnyń denesin sýdan alyp shyqty", - dedi vedomstvo ókilderi.
Almaty oblysy ákiminiń qaýlysyna sáikes, Qonaev qalasynda qutqarýshylar kezekshiligi uiymdastyrylǵan 7 qalalyq jaǵajai bar, sondai-aq olar qutqarý munaralarymen jáne shomylý kezinde adamdardyń qaýipsizdigin qamtamasyz etý úshin basqa da qajetti quraldarmen jabdyqtalǵany habarlandy.
