«Qazgidromettiń» málimeti boiynsha, biyl Qapshaǵai sý qoimasyna 16 360 mln m3 sý jinalǵan. Bul byltyrǵydan 1 130 mln m3 kem. Bul týraly Ekologiia, geologiia jáne tabiǵi resýrstar ministriniń orynbasary Serik Qojaniiazov aitty, dep habarlaidy QazAqparat.
«Qapshaǵai sý qoimasynyń kólemi 16 360 mln m3 quraidy. Bul ótken jylmen salystyrǵanda 1 130 mln. m3 kem. Bartoǵai sý qoimasynyń kólemi 260 mln.m3. Ótken jylmen salystyrǵanda 25 mln. m3 az», - dedi vitse-ministr.
Kútiletin sýdyń azdyǵyna bailanysty vedomstvo aýyl sharýashylyǵy taýaryn óndirýshilerdi sýarmaly sýmen qamtamasyz etý úshin sý qoimalaryn barynsha toltyrý qamyna kirisip ketti.
«Qazir aýyl sharýashylyǵy ministrligimen, jergilikti atqarýshy organdarmen birge sý tutyný limitin eskere otyryp, egis qurylymyn ońtailandyrý; aýyl sharýashylyǵy kooperativteriniń qatysýymen sýarý arnalarynyń daiyndyǵyn qamtamasyz etý; sý berýdiń onkúndik saiynǵy jedel kestelerin jasap jáne saqtai otyryp, táýliktik sý paidalaný josparyna kóshý; sý ainalymyn engizý jáne sýarý kezegin qatań saqtaý málelerein pysyqtap jatyrmyz», - dep jazylǵan vitse-ministrdik jaýabynda.
