QR Ishki ister ministrligi qańtar tragediiasymen bailanysty qylmystyq isterdiń statistikasyn jariialady, dep habarlaidy QazAqparat.
«Búgingi tańda ishki ister organdary tergeýshileriniń is júrgizýinde 2 285 qylmystyq is bar. Onyń negizgi bóligin urlyq pen tonaý quraidy. Bul 1674 is nemese jalpy tirkelgen isterdiń 73%-y», - dep jazady ministrliktiń baspasóz qyzmeti.
Ishki ister ministrliginiń aqparaty boiynsha, kásipkerlerden tártipsizdikten zardap shekkeni týraly aryz-shaǵymdar áli de túsip jatyr.
«Búgingi kúni jappai tártipsizdikter kezinde zardap shekken obektilerdiń sany 1573-ke jetti. Bul san ótinishter esebinen artty. Ár ótinish boiynsha tergeýshiler zardap shekken nysanǵan baryp, zaqymdalǵan obektilerdi tirkeýge alady.
Zardap shekken biznes obektilerdiń sany 1502-ge jetti. Kóbinese dúkender, lombardtar, janar-jaǵarmai quiý stantsiialary men qoǵamdyq tamaqtaný obektileri, ańshylyq dúkender qatty tonaýǵa túsken», - dep jazylǵan resmi málimette.
Ýaqyt ótken saiyn tártipsizdik kezinde qirady degen qorytyndy shyǵarylǵan kólikter sany da artyp jatyr.
«Zaqymdalǵan nemese qiraǵan kóliktiń sany da artyp, 765-ke jetti. Onyń 551-i politsiiaǵa, 124-i qarapaiym azamattarǵa tiesili. Jalpy málimdelgen shyǵyn 88 milliard teńgeden asty.
Lańkestik aktiler men jappai tártipsizdikterdiń sebepteri, olardy uiymdastyrǵan tulǵalardy anyqtaý boiynsha tergeýdi arnaiy prokýrorlar jetekshilik etetin vedomstvoaralyq jedel-tergeý toptary júrgizedi.
Óz kezeginde ishki ister organdary jappai tártipsizdikter aiasynda jasalǵan basqa da qylmystar boiynsha tergeýdi jalǵastyrýda», - dep jazady IIM baspasóz qyzmeti.
