Qańtar oqiǵasynda jazataiym qaza bolǵandardyń týystaryna qarajat bólindi. Bul týraly «Qazaqstan halqyna» qoǵamdyq qory tóraǵasynyń orynbasary Lázzat Shyńǵysbaeva aitty, dep habarlaidy QazAqparat.
«Búgingi tańda Ishki ister ministrligi men Ulttyq qaýipsizdik komitetiniń qaza tapqan 19 jáne aýyr jaralanǵan 106 qyzmetkeriniń otbasy múshelerine, sondai-aq Qorǵanys ministrligi men Respýblikalyq ulannyń áskeri qyzmetshilerine materialdyq kómek kórsetildi. Jalpy soma 451 mln teńgeni qurady», - dedi Shyńǵysbaeva Ortalyq kommýnikatsiialar qyzmetinde.
Sonymen qatar ol qańtar oqiǵasynda jazataiym qaza bolǵandardyń týystaryna qarajat bólingenin aitty.
«Qaza bolǵan úsh azamattyń otbasy múshelerine aqshalai tólemder jiberildi, olardyń jazataiym oqiǵanyń qurbany ekenin quzyrly organ rastady. Sondai-aq zardap shekken úsh balanyń jáne qaitys bolǵan eki balanyń otbasylaryna aqshalai tólemder jiberildi. Bul sanattaǵy japa shekkenderge tólengen jalpy tólem somasy 44 mln teńgeni qurady», - dedi qor ókili.
Onyń aitýynsha, qazir qaza tapqan 13 beibit turǵynnyń týystaryna aqsha aýdarý úshin aqparattar naqtylanyp jatyr.
Taratylǵan málimetke qaraǵanda, úsh aida «Qazaqstan halqyna» qoǵamdyq qoryna 126,05 mlrd qarjy tústi.
