Qańtar oqiǵasyn uiymdastyrýshy retinde elimizdiń ár óńirinen 27 adam anyqtaldy. Bul týraly QR Bas prokýratýrasy 1-qyzmet bastyǵy Cerik Shalabaev aitty, dep habarlaidy QazAqparat.
«Bas prokýratýra qańtar oqiǵalaryna bailanysty qylmystyq isterdiń tergeý barysy týraly málimetterdi jariialap jatyr. Belgili bolǵandai, sol qaiǵyly kúnderi Almaty, Shymkent qalalarymen Aqtóbe, Atyraý, Almaty, Jambyl, Qyzylorda jáne Shyǵys Qazaqstan oblystarynda qiratý, memlekettik obektileri órteý, múlikti joiý jáne terrorizm aktileri boldy», - dedi ol Ortalyq kommýnikatsiialar qyzmetindegi brifingte.
Onyń atap ótýinshe, prokýratýra organdarynyń qadaǵalaýynda 5 myńnan astam sotqa deiingi tergep-tekserý bar.
«Búgingi kúni elimizdiń ár óńirinde osy qylmystardyń uiymdastyrýshysy retinde 27 adam anyqtaldy. Olardyń qatarynda Almaty áýejaiyna shabýyl jasap, «Kóktóbe» telemunarasyn basyp alýǵa áreket jasaǵan tulǵalar da bar», - dedi Serik Shalabaev.
