Bas prokýratýra qańtardaǵy tártipsizdikter kezinde qaza bolǵan áskeriler men politseiler óliminiń keibir mán-jaiyn jariialady, - dep habarlaidy Tengrinews.kz agenttigi.
Búginde ólim mán-jailary anyqtalyp, 176 adamǵa qatysty tergeý jalǵasyp jatyr, dedi OKQ brifinginde Bas prokýratýranyń birinshi qyzmeti basshysynyń orynbasary Eldos Qilymjanov.
"Olardyń ishinde Almaty qalasy, Almaty, Jambyl jáne Qyzylorda oblystarynda qaza tapqan quqyq qorǵaý organdarynyń 19 qyzmetkeri bar. Bul qyzmetkerler óltirilgen.
Tártip saqshylary óz mindetterin atqara otyryp, jappai soqqyǵa jyǵý, kólikpen basý saldarynan nemese oqqa ushyp qaza boldy. Bul rette olar qarýsyz bolǵan", - dedi Qilymjanov.
Onyń aitýynsha, Almaty ákimdiginiń ǵimaratyn qorǵaýǵa qatysqan qarýsyz áskeri qyzmetshi, podpolkovnik Hairovty óltirý kezinde erekshe qatygezdik baiqalǵan.
"Onyń máiiti ǵimarattyń tóbesinen tabyldy. Tergeý azaptalǵan ólimnen keiin qylmyskerler aiǵaqty jasyrý úshin onyń denesin órtep jibergenin kórsetti. 39 jastaǵy ofitserdiń otbasy jáne kámeletke tolmaǵan eki balasy bar", - dedi Qilymjanov.
Ol qazirgi ýaqytta quqyq qorǵaý organdary "qasiretti qańtardaǵy" adam ólimi faktileri boiynsha 200-den asa qylmystyq isti tergep jatqanyn aitty. Barlyq is boiynsha naqty mán-jaidy anyqtaý boiynsha sharalar kesheni qabyldanǵan. Kýá bolýy múmkin on myńnan asa azamattan jaýap alynǵan.
