Qańtar oqiǵasyna qatysty QR Ishki ister ministrliginiń qaraýyndaǵy 381 qylmystyq is boiynsha 10 adam ǵana qamaýda otyr. Ministrliktiń Tergeý departamenti bastyǵynyń orynbasary Muhtar Qojaev ortalyq kommýnkatsiialar qyzmetinde ótken brifingide osyndai derek keltirdi, dep habarlaidy QazAqparat.
«Búgingi tańda ishki ister organdary tergeýshileriniń óndirisinde 381 qylmystyq is bar. Ol ister boiynsha 10 adam qamaýda otyr. Ister budan biraz burynǵy sannan azaidy, óitkeni qazirgi tańǵa deiin kóptegen qylmystyq is boiynsha protsestik sheshim shyǵyp qoiǵan. Máselen, qazirgi ýaqytta 589 kúdiktige qatysty 359 is aiyptaý aktisimen sotqa joldandy. Olardyń kópshiligi - jappai tártipsizdik barysynda urlyq jasaý, qarý urlaý jáne zańsyz saqtaý, kólik quraldaryn zańsyz aidap ketý, tonaý jáne buzaqylyq», - dedi IIM ókili.
Sondai-aq, 460 adamǵa úkim shyqqqan.
«Onyń ishinde 371 adamnyń bas bostandyǵy shekteldi. 4 adam qoǵamdyq jumysqa tartylyp, 5 adamǵa aiyppul salyndy. Aýyr jáne asa aýyr qylmys jasaǵany úshin 80 adam bas bostandyǵynan aiyryldy. Kelgen shyǵyndy óteýine jáne taraptardyń tatýlasýyna bailanysty sot 13 adamdy qylmystyq jaýapkershilikten bosatty. Qazirgi tańda sot óndirisinde 116 sottalýshyǵa qatysty 55 qylmystyq is qaralyp jatyr», - dedi Muhtar Qojaev.
