قاڭتار وقيعاسىنا قاتىستى قر ٸشكٸ ٸستەر مينيسترلٸگٸنٸڭ قاراۋىنداعى 381 قىلمىستىق ٸس بويىنشا 10 ادام عانا قاماۋدا وتىر. مينيسترلٸكتٸڭ تەرگەۋ دەپارتامەنتٸ باستىعىنىڭ ورىنباسارى مۇحتار قوجاەۆ ورتالىق كوممۋنكاتسييالار قىزمەتٸندە ٶتكەن بريفينگٸدە وسىنداي دەرەك كەلتٸردٸ, دەپ حابارلايدى قازاقپارات.
«بٷگٸنگٸ تاڭدا ٸشكٸ ٸستەر ورگاندارى تەرگەۋشٸلەرٸنٸڭ ٶندٸرٸسٸندە 381 قىلمىستىق ٸس بار. ول ٸستەر بويىنشا 10 ادام قاماۋدا وتىر. ٸستەر بۇدان بٸراز بۇرىنعى ساننان ازايدى, ٶيتكەنٸ قازٸرگٸ تاڭعا دەيٸن كٶپتەگەن قىلمىستىق ٸس بويىنشا پروتسەستٸك شەشٸم شىعىپ قويعان. مەسەلەن, قازٸرگٸ ۋاقىتتا 589 كٷدٸكتٸگە قاتىستى 359 ٸس ايىپتاۋ اكتٸسٸمەن سوتقا جولداندى. ولاردىڭ كٶپشٸلٸگٸ - جاپپاي تەرتٸپسٸزدٸك بارىسىندا ۇرلىق جاساۋ, قارۋ ۇرلاۋ جەنە زاڭسىز ساقتاۋ, كٶلٸك قۇرالدارىن زاڭسىز ايداپ كەتۋ, توناۋ جەنە بۇزاقىلىق», - دەدٸ ٸٸم ٶكٸلٸ.
سونداي-اق, 460 ادامعا ٷكٸم شىقققان.
«ونىڭ ٸشٸندە 371 ادامنىڭ باس بوستاندىعى شەكتەلدٸ. 4 ادام قوعامدىق جۇمىسقا تارتىلىپ, 5 ادامعا ايىپپۇل سالىندى. اۋىر جەنە اسا اۋىر قىلمىس جاساعانى ٷشٸن 80 ادام باس بوستاندىعىنان ايىرىلدى. كەلگەن شىعىندى ٶتەۋٸنە جەنە تاراپتاردىڭ تاتۋلاسۋىنا بايلانىستى سوت 13 ادامدى قىلمىستىق جاۋاپكەرشٸلٸكتەن بوساتتى. قازٸرگٸ تاڭدا سوت ٶندٸرٸسٸندە 116 سوتتالۋشىعا قاتىستى 55 قىلمىستىق ٸس قارالىپ جاتىر», - دەدٸ مۇحتار قوجاەۆ.
