Bas prokýratýra qańtar oqiǵasy tusynda ustalǵandardy azaptaýǵa qatysty tergep-tekserý nátijelerin bólisti, - dep habarlaidy "Ult aqparat" vedomstvonyń baspasóz qyzmetine silteme jasap.
"Memleket basshysynyń tapsyrmasyn oryndaý maqsatynda prokýratýra organdary qańtar aiyndaǵy oqiǵalar kezeńinde ustalǵandarǵa azaptaýdy qoldanǵan politsiia qyzmetkerlerine qatysty qylmystyq isterdi tergeýdi jalǵastyryp jatyr.
Qazirgi ýaqytta arnaiy prokýrorlar Almaty oblysynyń politsiia departamentinde útik basýmen azaptaýdy qoldaný týraly is boiynsha tergeý áreketterin aiaqtady. Nátijesinde politsiia qyzmetkerleriniń 7-17 qańtar aralyǵynda Taldyqorǵan qalasynda jappai tártipsizdik jasaǵany úshin ustalǵan 23 azamatqa azaptaý qoldanǵany dáleldendi.
Qylmystyq kodekstiń 146-baby boiynsha 5 politsiia qyzmetkeri kúdikti dep tanyldy, onyń ishinde: 3 Kriminaldyq politsiia basqarmasynyń qyzmetkeri, 1 Ákimshilik politsiia basqarmasynyń inspektory jáne 1 JQAJ qyzmetkeri" - delingen habarlamada.
Vedomstvo málimetinshe, 4 tamyzda qylmystyq is máni boiynsha qaraý úshin sotqa joldanǵan. Azaptaýdy qoldanýdyń basqa da faktilerin tergeý aiaqtalýǵa jaqyn.
