2021 jylǵy qańtar-qarasha ailarynda memlekettik biýdjetke kiris retinde 9,6 trln teńge salyq túsimi túsken, dep habarlaidy QazAqparat Memlekettik kirister komitetine silteme jasap.
Komitettiń málimetinshe, qańtar-qarasha ailarynda memlekettik biýdjetke salyq túsimderi boiynsha jospary 102,6% oryndaldy (jospar boiynsha 9 385,7 mlrd teńge, 241,9 mlrd teńgege asyra oryndalyp, 9 627,6 mlrd teńge tústi), ótken jyldyń osyǵan uqsas kezeńimen salystyrǵanda 28,8% nemese 2 155,6 mlrd. teńgege ósken.
«Onyń ishinde:
- Respýblikalyq biýdjet 100,8% oryndaldy (jospar boiynsha 6 353,1 mlrd.teńge, 50,9 mlrd teńgege asyra oryndaýmen 6 404 mlrd teńge tústi), ótken jyldyń osyǵan uqsas kezeńimen salystyrǵanda 33,0% nemese 1 590,6 mlrd teńgege ósti.
- Jergilikti biýdjet 106,3% oryndaldy (jospar boiynsha 3 032,7 mlrd.teńge, 191,0 mlrd. teńgege asyra oryndaýmen 3 223,6 mlrd. teńge tústi) 2020 jyldyń osyǵan uqsas kezeńimen salystyrǵanda 21,3% nemese 565,0 mlrd teńgege ósti» , delingen habarlamada.
Vedomstvonyń málimetinshe, 2020 jyldyń osyǵan uqsas kezeńimen salystyrǵanda Respýblikalyq biýdjetke túsimder ósiminiń eń kóp somasy munaiǵa salynatyn korporativti tabys salyǵy boiynsha 555,2 mlrd teńgege nemese 1,5 ese, eksporttyq keden bajdary boiynsha 463,6 mlrd teńgege nemese 2 ese, EAEO elderinen importqa QQS boiynsha 219,2 mlrd teńgege nemese 36,9%, paidaly qazbalardy óndirý salyǵy boiynsha 144,3 mlrd teńgege nemese 47,7% jáne 3-shi elderden importqa QQS boiynsha 125,6 mlrd teńgege nemese 21,6% artqany baiqalady.
Komitettiń málimdeýinshe, túsimderdiń ósýine mynadai faktorlar áser etke.
«Biylǵy jyldyń 11 aiynda ótken jyldyń osyǵan uqsas kezeńimen salystyrǵanda negizgi eksport pozitsiialaryndaǵy baǵanyń ósýi baiqalady, onyń ishinde munaiǵa 70,9%, mysqa 54,1%, aliýminiige 45,4%, myryshqa 33,4%, kúmiske 26,1%, qorǵasynǵa 21,0% jáne altynǵa 2,2%. Munaiǵa salynatyn áketý kedendik bajynyń mólsherlemesi 66,3% ósti (2020 jyldyń 11 aiynda 1 tonnaǵa ortasha mólsherlemesi – 37,7$, 2021 jyldyń 11 aiynda 1 tonnaǵa – 62,7$).
Úshinshi eldermen taýar ainalymy 2021 jylǵy qańtar-qarasha ailarynda 11,5% ósti (eksport 23,0% ósti, import 8,5% tómendedi)», delingen habarlamada.
2021 jylǵy 11 aiynda ótken jyldyń osyǵan uqsas kezeńimen salystyrǵanda taýar ainalymy 58,5% ósti (82 223 mlrd. teńgeden 130 359 mlrd. teńgege deiin).
«QQS túsiminiń shamamen 32% quraityn iri salyq tóleýshiler boiynsha ótkizý boiynsha ainalymdar 11,1% ósti.
Kórsetilgen kezeń ishinde bir salyq tóleýshige onlain baqylaý-kassa mashinasynan ortasha túsimi 11,5% ósti (41,1 mln teńgeden 45,8 mln teńgege deiin)», delingen habarlamada.
