QR DSM sanitarlyq-epidemiologiialyq baqylaý komitetiniń tóraǵasy Aijan Esmaǵambetova vaktsina saldyrsa da, koronavirýs juqtyrǵan qazaqstandyqtardyń statistikasyn jariialady, dep habarlaidy "Ult aqparat".
Spikerdiń aitýynsha, qazirgi ýaqytta vaktsinatsiiadan keiin 6 420 adam aýyryp qalǵan.
Onyń ishinde «Spýtnik» alǵan 5 511 adam, «Hayat Vax» - 665, «QazVac» - 113 jáne «CoronaVac» saldyrǵan 124 adam bar.
«Aita keteiik, munda áli de vaktsina alǵandardyń úlesi óte az: ekpe saldyrǵan 5,2 million adamnyń 0,1% ǵana aýyryp qalǵan. Bul vaktsinanyń tiimdi áser etetinin, iaǵni aýrýdan qorǵaitynyn kórsetedi. Jáne vaktsinalaýdyń delta-shtammnan da qorǵai alatynyn kórsetedi», - dep túsindirdi Aijan Esmaǵambetova OKQ brifinginde jýrnalister suraǵyna bergen jaýabynda.
