QR IIM Tergeý departamentiniń bastyǵy Sanjar Ádilov Qańtar oqiǵalary boiynsha qozǵalǵan qylmystyq isterdiń qanshasy aiaqtalǵanyn aitty, dep habarlaidy Ulysmedia.kz.
«Resmi málimet týraly aitatyn bolsaq, politsiia tergeýshileri qańtar oqiǵalary boiynsha 4 642 qylmystyq is qozǵady. 971 istiń óndirisi aiaqtaldy, onyń ishinde 609 aiyptalýshyǵa qatysty is sottarǵa joldandy. Sot qaraýlarynyń nátijeleri boiynsha 539 aiyptalýshyǵa úkim shyqty, olardyń 425-i bas bostandyǵyn shekteýge jáne tek 104-i ǵana aýyr jáne asa aýyr qylmystar jasaǵany úshin bas bostandyǵynan aiyrýǵa sottaldy», - dedi Sanjar Ádilov OKQ alańynda,
Onyń aitýynsha, qazir politsiia tergeýshileriniń óndirisinde 276 is bar (qarýdy zańsyz saqtaý – 50, kisi óltirý – 33, bilikti asyra paidalaný – 40, urlyq – 16, buzaqylyq – 4 jáne taǵy basqa qylmystar).
«Jalpy, búgingi tańda politsiia tergeýshilerimen 40 myńǵa jýyq tergeý áreketteri júrgizildi. 15 myńnan astam azamattan jaýap alyndy jáne 2,5 myńnan astam saraptama taǵaiyndaldy. Zardap shekken azamattarǵa 360 mln.teńgege jýyq somaǵa baǵalanǵan zalaldy óteý qamtamasyz etildi. Onyń ishinde, sotqa deiingi tergeý jáne isterdi sotta qaraý satysynda kúdiktiler óz erikterimen jábirlenýshilerge 15 mln.teńgeden astam somaǵa zalaldy ótedi», - dedi ol.
