QR Parlament Senatynyń depýtattary Qanat Mýsindi QR Joǵarǵy sot sýdiasy qyzmetinen bosatý týraly sheshimdi qoldady, dep habarlaidy QazAqparat.
«Senat Biýrosynyń qaýlysyna jáne Senat Reglamentiniń 66-tarmaǵyna sáikes Konstitýtsiialyq zańnama, sot júiesi jáne quqyq qorǵaý organdary komiteti QR Prezidenti usynǵan QR Joǵarǵy Sotynyń sýdiasy qyzmetinen bosatý týraly kandidatýrany talqylap, qorytyndy shyǵardy.
QR Konstitýtsiiasynyń 55-babynyń 1) tarmaqshasyna jáne «QR sot júiesi men sýdialarynyń mártebesi týraly» QR Konstitýtsiialyq zańynyń 34-babynyń 3-tarmaǵyna sáikes:
Qazaqstan Respýblikasy Parlamenti Senatyna basqa qyzmetke taǵaiyndalýyna bailanysty Qazaqstan Respýblikasy Joǵarǵy Sotynyń sýdiasy Qanat Sergeevich Mýsindi qyzmetinen bosatý usynylady», - dedi senator Vladimir Volkov Senat otyrysynda.
Senatorlar bul sheshimdi qoldap daýys berdi.
