Birinshi orta salmaqta WBO Intercontinental jáne WBA Fedelatin nusqalary boiynsha álem chempiony qazaqstandyq boksshy Qanat Islam ataqty boksshylardy judyryqtasýǵa shaqyrdy, - dep habarlaidy Vesti.kz.
Braziliialyq boksshy Robson Assispen bolǵan kezdesýden keiin, qazaqstandyq bylǵary qolǵap sheberi meksikalyq Saýl "Kanelo" Alvarespen jáne pýertorikalyq Migel Kottomen sharshy alańda kezdeskisi keletinin jetkizdi. "Men erekshe yntamen daiyndaldym. Maǵan "Kanelo" men Kottony berińizder, men kóbirek jekpe-jek ótkizgim keledi. Men sharshy alańda ólip ketýge daiynmyn. Meniń naǵyz ýaqytym keldi", - dedi Islam jekpe-jekten soń.
Eske salaiyq, qanat Islam men Robson Assis arasyndaǵy kezdesý 18 aqpanda AQSh-ta ótti. Qazaqstandyq boksshy braziliialyq qarsylasyn birinshi raýndta nokaýtqa túsirdi.
Bul Qanattyń 23-i jeńisi, ol kásipqoi boksta 23 kezdesý ótkizip 19-ynda ýaqytynan buryn (nokaýtpen) aiaqtaǵan. Osy nátijesiniń arqasynda ol Boxrec.com nusqasy boiynsha reitingte aitarlyqtai kóterilgen
