Kanadalyq buqaralyq aqparat quraldary 20 jastaǵy qazaqstandyq boksshy Sadriddin Ahmedovty (4-0, 4 KO) «Qazaqstandyq sensatsiia» dep atady, dep habarlaidy Sports.kz.
Ahmedov Hesýs Haver Mendosany (7-6-1, 6 KO) nokaýtqa jiberýge nebári 57 sekýnd jumsady.
«Mine, daiyn! Ahmedov Mendosany jeńdi. Referi 57-sekýndta jekpe-jekti toqtatýǵa májbúr boldy. Qazaqstandyq sensatsiianyń taǵy bir jyldam jeńisine kýá bolyp otyrmyz», - dep jazdy Týitterde Ringsideblog.com jýrnalisi Jan-Filipp Arkand.
Aita keteiik, Sadriddin Ahmedov kásipqoi boksta osy kezge deiin ótkizgen tórt kezdesýin de nokaýtpen aiaqtaǵan. Sonyń úsheýi tek bir ǵana raýndqa sozylǵan.
