Qazaqstan Premer-Ministriniń orynbasary – Syrtqy ister ministri Muhtar Tileýberdi Kanadanyń «Condor Petroleum» munai-gaz kompaniiasynyń Basqarýshy direktory Norman Stormmen kezdesti, dep habarlaidy "Ult aqparat".
QR Syrtqy ister ministrliginiń resmi saity taratqan aqparatqa qaraǵanda, taraptar daǵdarystan keiingi kezeńde ekonomikany damytý, Qazaqstanda biznes júrgizý jáne investitsiialar jónindegi keń aýqymdy máselelerdi talqylady. «Condor Petroleum» Qazaqstanda suiytylǵan tabiǵi gaz óndirý zaýytyn salý boiynsha investitsiialyq jobany iske asyrýǵa múddeli.
Kompaniia Qazaqstannyń munai-gaz salasynda 20 jyldan astam jumys isteidi. Qazirgi ýaqytta Aqtóbe oblysyndaǵy Jarqamys ken ornynda munai óndirý jobasy iske asyrylýda. Búginde «Condor Petroleum» el ekonomikasyna 250 mln. astam AQSh dollaryn investitsiialady.
