Kanadada bir táýlikte koronavirýs juqtyrýǵa qatysty antirekord jańardy. Densaýlyq saqtaý ministrliginiń málimetinshe, sońǵy 24 saǵatta elde 21 001 jaǵdai tirkelgen, dep habarlaidy QazAqparat TASS-qa silteme jasap.
Kanadada infektsiia juqtyrǵandar sanynyń artýy – koronavirýstyń omikron shtamynyń jyldam taralýyna bailanysty bolyp otyr. Elde aýrýǵa shaldyqqandardyń jalpy sany 168,4 myńnan asady.
Kanadanyń óńirleri dúisenbi kúni COVID-19-dan 22 adamnyń qaitys bolǵanyn habarlady. Omikron shtamynyń taralýyna bailanysty Kanada óńirleriniń biligi karantin shekteýin aitarlyqtai qatańdatty.
Erejege sáikes, meiramhana, sport zaldary, mádeni-oiyn-saýyq mekemelerindegi bolatyn adamdar sany 50%-ǵa qysqardy. Kóptegen memqyzmetshiler men jeke kompaniia qyzmetkerleri qashyqtan jumys isteýge aýysty.
Ótken aptada Kanada biligi osy shekteýge bailanysty jumyssyz qalǵandar men shaǵyn biznes kásiporyndarynan tabys taba almai otyrǵan azamattarǵa qarjylai kómek berý baǵdarlamasyn jańartatynyn málim etti.
