Kanadanyń premer-ministri Djastin Triýdo 23 qyrkúiek kúni halyqqa arnaǵan úndeýinde koronavirýs infektsiiasynyń ekinshi tolqyny bastalǵanyn aityp, onyń birinshisine qaraǵanda aýyr bolýy yqtimal ekendigin eskertti.
«Tórt iri provintsiiamyzda bastalǵan ekinshi tolqyn jan-jaqqa taralyp ketken. Jaǵdai kóktemge qaraǵanda áldeqaida nashar bolýy múmkin», - dedi ol CTV News telearnasynyń efirinde.
Premerdiń aitýynsha, naýryz aiynda aýrý juqtyrýdyń 47 jańa oqiǵasy tirkelse, 22 qyrkúiekte olardyń sany 1 myń adamnan asqan.
Triýdo «ekinshi tolqyndy baqylaýǵa alý» múmkindigi áli bar ekenin atap ótti, ol úshin kanadalyq azamattar maska taǵyp, áleýmettik qashyqtyqty saqtap júrýi jáne tumaýǵa qarsy ekpe jasatýy tiis.
Worldometer málimetinshe, Kanadada COVID-19 juqtyrýdyń 147,8 myń oqiǵasy tirkelgen, 9,2 myń adam qaitys boldy, 91,5 myńnan astam patsient jazylyp shyqty.
