Kamerýnnyń batysynda tolassyz jaýǵan jańbyr men sý tasqynyna bailanysty kóshkin júrip, saldarynan 42 adam qaza tapty. Bul týraly sársenbi kúni Reuters agenttigi jergilikti baspasózge silteme jasap habarlady.
«Lai aǵyny men qiraǵan ǵimarattardyń úiindilerinen 42 adamnyń denesi tabyldy. Olardyń 26-sy balalar», - dep habarlady CRTV jergilikti telearnasy.
Batys óńirdiń gýbernatory Fonka Ava Avgýstin atap ótkendei, sý tasqynynan bolǵan syrǵyma Bamýngým aýylynda oryn alǵan. Onyń aitýynsha, 20 shaqty úi qiraǵan.
Kamerýn biligi apat bolǵan aýmaqqa qutqarýshylar men áskeri qurylymdardy jibergen, olar turǵyndarǵa kómek kórsetip jatyr. Batys óńirge Ortalyqsyzdandyrý jáne jergilikti basqarý ministri Elanga Obam Jorj bardy.
