Kámelettik jasqa tolmaǵandarǵa qatysty qylmystyń 70%-y turmystyq jaǵdaida jáne balanyń ainalasynda júrgen adamdar tarapynan jasalady. Bul týraly onlain brifingide QR IIM Ákimshilik politsiia komiteti iývenaldy politsiia jáne áielderdi zorlyq-zombylyqtan qorǵaý bólimi bastyǵynyń orynbasary Dilbar Tólegenova aitty, dep habarlaidy QazAqparat.
Sonymen qatar, memlekettik organdar jáne úkimettik emes uiymdarmen birlesip júrgizilgen túsindirý jumystarynyń nátijesinde azamattardyń ótken jyldardaǵy qylmystar boiynsha ótinishteri kóbeidi. Mundai ótinishter shamamen 30% quraidy. Kámeletke tolmaǵandarǵa qarsy qylmystardyń 70% -y kúndelikti ómirde jáne balaǵa jaqyn adamdar (ákeleri, ógei ákeleri, anasynyń birge turýshylar, týystary, kórshileri men tanystary) tarapynan jasalatynyn atap ótken jón.
«Kámeletke tolmaǵandardyń jynystyq qol suǵylmaýshylyǵyna qatysty jasalǵan árbir ekinshi qylmys politsiia kire almaityn páterlerde, úilerde, jataqhanalarda jasalady jáne mundai jaǵdai qylmysty anyqtaýda belgili bir qiyndyqtar týdyrady. Sondai-aq, kámeletke tolmaǵandardyń qylmystyń qurbany bolýyna sebep bolatyn sebepter: balalardy ata-ana nazarynan tys jáne baqylaýsyz qaldyrý, balanyń eresekterge qarsy tura almaýy jáne sengishtigi, buqaralyq aqparat quraldarynyń keri áseri, sonyń ishinde internette kóp otyrýy, moraldyq-otbasylyq qundylyqtardyń tómen deńgeii, otbasyndaǵy áleýmettik kemshilikter, ata-analardyń alkogoldi asyra paidalanýy», - deidi QR IIM Ákimshilik politsiia komiteti iývenaldy politsiia jáne áielderdi zorlyq-zombylyqtan qorǵaý bólimi bastyǵynyń orynbasary Dilbar Tólegenova.
