Kamaljan Nadyrov QR Densaýlyq saqtaýdy damytý respýblikalyq ortalyǵynyń Basqarma tóraǵasy bolyp taǵaiyndaldy. Bul týraly Densaýlyq saqtaý ministrliginen málim etti, dep habarlaidy "Ult aqparat".
DSDRO - densaýlyq saqtaý salasynda qabyldanǵan sheshimderdi ádisnamalyq qoldaý arqyly onyń básekege qabilettiligin arttyrýǵa baǵyttalǵan saraptamalyq uiym. Negizgi missiiasy - ulttyq densaýlyq saqtaý júiesin damytý.
Nadyrov Kamaljan Talǵatuly 1983 jyly 27 aqpanda dúniege kelgen. Eki joǵary bilimi bar – meditsinalyq jáne ekonomikalyq. S.D. Asfendiiarov atyndaǵy qazaq memlekettik meditsina ýniversitetin , Turan ýniversitetin, Qoǵamdyq densaýlyq saqtaý joǵary mektebin bitirgen. Duke University, «The Fuqua School of Business» (AQSh), Parkway College» (Singapýr), «Florence Nightingale» (Túrkiia) klinikalar tobynda, «Oxford» Social Health Insurance system» (Germaniia) bilim aldy. «Qoǵamdyq densaýlyq saqtaý» (MVA) mamandyǵy boiynsha iskerlik ákimshilendirý magistri jáne «Biznes ákimshilendirý» (EMBA) mamandyǵy boiynsha iskerlik ákimshilendirý magistri.
2007 jyldan 2014 jylǵa deiin B.O.Jarbosynov atyndaǵy Ýrologiia ǵylymi ortalyǵynda klinikalyq ordinator, bólim meńgerýshisi, bas direktordyń orynbasary bolyp jumys istedi.
2016 jyldan 2017 jylǵa deiin Respýblikalyq diagnostikalyq ortalyqty basqardy — «University Medical Center» filialynyń direktory boldy.
2017-2018 jyldary Astana qalasynyń densaýlyq saqtaý basqarmasyn, 2019 jyldyń naýryz aiyna deiin Astana qalasynyń qoǵamdyq densaýlyq saqtaý basqarmasyn basqardy.
2019 jyldan 2020 jylǵa deiin QR Densaýlyq saqtaý vitse-ministri qyzmetin atqardy.
2020 jylǵy maýsym-qazan aralyǵynda Almaty Qoǵamdyq densaýlyq basqarmasynyń basshysy boldy.
Memlekettik nagradalary: «Eren eńbegi úshin» medali, «Densaýlyq saqtaý isine qosqan úlesi úshin» medali, «Densaýlyq saqtaý úzdigi» medali, «Qazaqstan halqynyń birligi» medali.
